هاوڵاتی به‌ڕێز..بۆ دڵنیا بونه‌وه‌ له‌ بونی ناوه‌كه‌ت له‌ تۆماری ده‌نگده‌ران بۆ هه‌ڵبژاردنی په‌رله‌مانی كوردستان،كلیك له‌م لینكه بكه www.tomar2018.com
  To request the international observers form Click Here

فەرمانگەی پارێزگاکان

هەولێر

سلێمانی

دهۆک

هەڵەبجە

چۆن ده‌نگ ده‌ده‌ت

                                     رێنمايه‌كانی ده‌نگدان له‌ رۆژى راپرسيدا

 1- دواى ئه‌وه‌ى ده‌نگده‌ر ده‌چێته‌ ناو وێستگه‌ى ده‌نگدان سه‌ره‌تا ده‌چێته‌ لاى فه‌رمانبه‌رى ناساندن كه‌ تۆمارنامه‌ى ده‌نگده‌رانی لايه‌.

2-پێويسته‌ ده‌نگده‌ر يه‌كێك له‌م به‌ڵگه‌نامه‌ فه‌رميانه‌ى پێبێت وه‌ك(ناسنامه‌ى باري شارستانى، ره‌گه‌زنامه‌ى عێراقى، كارتى نيشتمانى، پاسپۆرتی عێراقی به‌سه‌رنه‌چوو)

3-فه‌رمانبه‌رى ناسينه‌وه‌ ناوى ده‌نگده‌ر له‌تۆمارنامه‌ى ده‌نگده‌رانی وێستگه‌ ده‌دۆزێته‌وه‌ وه‌ له‌ خانه‌ى واژوو ده‌نگده‌ر واژووى ده‌كات (ئه‌گه‌ر نه‌خوێنه‌وار بيت په‌نجه‌ مۆر ده‌كات).

4-پاشان فه‌رمانبه‌رى ناسينه‌وه‌ ده‌نگده‌ر ئاراسته‌ ده‌كات بۆلاى پێده‌رى په‌ره‌ى ده‌نگدان.

5- فه‌رمانبه‌رى پێده‌رى په‌ره‌ى ده‌نگدان په‌ره‌يه‌ك له‌ ده‌فته‌رى په‌ره‌ى ده‌نگدان لێده‌كاته‌وه‌ له‌پشتی په‌ره‌كه‌ مۆرێكی كۆمسيۆنی لێده‌دات.

6- پاشان به‌ ده‌نگده‌ر راده‌گه‌يه‌نێت كه‌ له‌ يه‌كێك له‌ چوارگۆشه‌ به‌تاڵه‌كان نيشانه‌ى راست دابنێت به‌بێ ئه‌وه‌ى به‌شێوه‌يه‌كی دياريكراو ئاماژه‌ به‌ هيچ كام له‌ چوارگۆشه‌كان بكات.

7-دواتر ئاراسته‌ى ده‌كات به‌ره‌و كابينه‌كانى ده‌نگدان.

8- ده‌نگده‌ر به‌شێوه‌يه‌كی نهێنی له‌پشتی كابينه‌كانه‌وه‌ ده‌نگى خۆى ده‌دات و په‌ره‌ى ده‌نگدان ده‌نوشتێنێته‌وه‌ به‌ره‌و لاى سندوقی ده‌نگدان ده‌چێت.

9-چاودێرى سندوق پێی ده‌ڵێت به‌ر له‌وه‌ى په‌ره‌كه‌ بخاته‌ ناو سندوق په‌نجه‌ى راستى (شايه‌توومان) بخاته‌ ناو مه‌ره‌كه‌به‌وه‌ ئينجا په‌ره‌كه‌ بخاته‌ ناو سندوقى ده‌نگدان.

10- پێويسته‌ له‌سه‌ر چاودێرى سندوق ده‌نگده‌ر ئاگادار بكاته‌وه‌ به‌رله‌وه‌ى په‌نجه‌ بخاته‌ ناو مه‌ره‌كه‌به‌وه‌ په‌نجه‌ى بسرێته‌وه‌.

11- ده‌نگده‌ر وێستگه‌ى ده‌نگدان به‌جێده‌هێلێت.

                                                                                                                               







 

 

  • created by Avesta Group
  • IHERC © 2015 - All Rights Reserved