وەفدێکی کۆمسیۆن بەشداری ڕێوڕەسمی ڕاگەیاندنی پڕۆژەی سەلامەتی دەکەن

بە ئامادەبونی بەڕێز (مەسرور بارزانی) سەرۆکی حکومەتی هەرێمی کوردستان هەروەها سەرجەم وەزیر و بەرپرسانی کابینەی حکومەت، لە ڕێورەسمێکی تایبەتدا، پڕۆژەی ڕێبەری سەلامەتی ڕاگەیاندرا، کە لەلایەن وەزارەتی ناوخۆی حکومەتی هەرێمی کوردستانه‌وه‌ ئامادە کراوە.

هەر یەک لە بەڕێزان (هەندرین محمدساڵح) سەرۆکی ئەنجومەن، (سلێمان مستەفا)جێگری سەرۆکی ئەنجومەن هەروەها (دیاری حاجی عمر) بەڕێوەبەری گشتی دیوان، ئامادەی ڕێوڕەسمەکە بوون.

ئەم ڕێبەرە، دەبێتە بناغە و بنەمایەک بۆ پاراستنی سەلامەتی لە باڵەخانە و شوێنەکانی نیشتەجێبوون و کۆگا و بەنزینخانە و هەموو ئەو پڕۆژانەی کە هاووڵاتییان تێیدا دەژین یان مامەڵەی ڕۆژانەی لەگەڵ دەکەن، بەمەبەستی ڕێگریکردن لە هەر ڕووداوێکی نەخوازراو و پاراستنی گیان و ماڵی هاوڵاتیان.